如果講係土瓜灣打邊爐就真係只有以下食店比較好既選擇
1.老坑火鍋 - 紅磡曲街25-31號後巷 2365-2405
地方就真係幾up dup因為地點係在後巷果度, 你只要唔mind坐係果d地方此店真係唔錯食物水準有番咁上下; 不過我個人認為去此店都係秋涼先去如果唔太凍既話坐係果度都幾難頂...講番食物湯底可以試下佢地既蕃茄蟹鍋十分鮮甜, 火鍋料方面不得不試下佢地既牛肉啦十分有肉味; 四寶丸都唔錯勝在自己手打..其他食物都新鮮值得一去...平均每人消費約$150左右唔算平..
2.鴻福海鮮四季火鍋 - 土瓜灣落山道86號地下(巷內) 23650112
此店都係在巷內又係up up dup dup不過就係同樣up dup來食物又係好正; 不過此店最大特色係用炭爐又可以燒烤又可以用來打邊爐...如果用佢地既手切肥牛來bbq真係另一番風味, 佢地既湯底唔算特別不過佢地既海鮮如蜆, 鮑魚仔; 魷魚等都好新鮮肥美可以燒可以打邊爐2樣同樣出色...平均消費約$200..